ძუძუს კიბოს მართვა თანამედროვე ონკოლოგიაში ითვალისწინებს კომპლექსურ, მულტიდისციპლინურ მიდგომას, სადაც მკურნალობის პროცესის თითოეული ეტაპი დეტალურად არის გაწერილი და ინდივიდუალურად მორგებული თითოეულ პაციენტზე.

პაციენტის მართვის პროცესი ხორციელდება კონსილიუმის პრინციპით, რაც გულისხმობს სპეციალისტთა გუნდის მონაწილეობას დიაგნოსტიკური და თერაპიული ტაქტიკის განსაზღვრაში. მართვის პროცესში ჩართული არიან:

• კლინიკური ონკოლოგი

• ონკო-ქირურგი

• რადიოლოგი

• მორფოლოგი

• კლინიკური ფსიქოლოგი

ფსიქოლოგიური მხარდაჭერა განსაკუთრებით მნიშვნელოვანი კომპონენტია — ძუძუს კიბოს დიაგნოზი, განსაკუთრებით ახალგაზრდა ასაკში, შესაძლოა დაკავშირებული იყოს მძიმე ემოციურ რეაქციებთან და საჭიროებს ფსიქო-სოციალურ ინტერვენციას.

მკურნალობის თანამედროვე მეთოდები

მიღებული დიაგნოსტიკური მონაცემების საფუძველზე შეირჩევა ინდივიდუალური თერაპიული ტაქტიკა, რომელიც, შესაძლოა, მოიცავდეს ერთ ან რამდენიმე მკურნალობის მეთოდს ერთდროულად:

1. ქირურგიული მკურნალობა2. ქიმიოთერაპია3. სხივური თერაპია4. ჰორმონოთერაპია5. ტარგეტული თერაპია